Dzisiej poôzprawiōmy ô bytōmskim ringu dŏwnij, a ze przileżytości Miyndzynŏrodowego Dnia Rodnyj Gŏdki uzdanego bez UNESCO zrobiymy to richtig we naszyj gŏdce (a możnŏ bydymy „syceć”, jak do terŏzka ônacōm to mi
Archiwalna publikacja z 2025-02-21.
🏰 Dzisiej poôzprawiōmy ô bytōmskim ringu dŏwnij, a ze przileżytości Miyndzynŏrodowego Dnia Rodnyj Gŏdki uzdanego bez UNESCO zrobiymy to richtig we naszyj gŏdce (a możnŏ bydymy „syceć”, jak do terŏzka ônacōm to miyszkańce kole ślōnsko-małopolskij granice). Mōmy rōd gŏdać po naszymu 💛💙!
🏰 Poradzicie wyforsztelować sie, jak wyglōndało bytōmske stare miasto jak tyż jego ring bez strzedniowiyce? Pewnikym byście niy poznali tego placu, aji bez szpacyrowanie po tamtyjszyj ringowyj „placie”. Bez lokacyjŏ we 1254 roku miasto założōno byłŏ na tm. surowym korcŏku, co ôznacŏ, iże przestrzyństwa tego wcaśnij niy ôsiedlano. Zacynto byłŏ ôd wygryfowaniŏ prostokōntnego ringu przōdzi tyngiygo holcym, kamiynne brukflŏstry napocyntŏ pasować ôd zacōntku XV stoleciŏ. Ôstałość drzewianyj, strzedniowiecznyj sztrase ôdkryto byłŏ bez cōs archeologicznych podszukowań na przedugszyniu terŏźnyj ul. Zaułek.
🏰 Ja, ino jak wyglōndoł tamtyjszy ring? Mioł przede wszyjskim handlyrske a amtowe funkcyje. Bōł fol we kramŏrski wielogŏdkowy charw, a Wy pewnikym byście poculi tyngŏ „wōń” strzedniowiecnego miasta. Handyl kludzōno byłŏ we wschodnij tajli placu – tam ôdkryto byłŏ ôstatka moc drzewianych a murowanych sztandōw. Ring bōł prŏwdziwym sercym rozwijajōncego sie miasta, tukej bōł kamiynny bornus, a przede wszyjskim miastowŏ wŏga, na keryj wŏżōno byłŏ wozy a inksze drabiniŏki ze fedrunkiym (niy zapōminejmy ô hajerskim karakterze regiōnu). Bez szpacyrowanie we zachodnij tajli placu, mogecie posuchać nojnowszych roznajmiyń jak tyż byście ôbŏcyli wykōnowane... skŏranie. To tukej ôdbywały sie ôgōlne gyrichty.
🏰 Bez szpacyrowanie po bytōmskim ringu mōmy terŏzki pod sztopōma brukflŏster jak tyż tretuary. Tamtyjszŏ nawiyrchnia placu niy poradziyła być tak radŏ szpacyrujōncym. Bez cōs podszukowań trefiōno byłŏ na pŏrã cymbrŏwanych holcym kōnstrukcyje, bez lata uznŏwanych za ôstałości wcasnostrzedniowiecznych szachtōw. Jedyn zawdy ôkazowŏł sie gulikiem, skazuje na to jego połōnczynie ze przikopōma ôdwadniajōncymi ring. To niy kōniec arōmatycznych historyje. Podobnõ kōnstrukcyjõ ze XIII stoleciŏ ôdkryto byłŏ ze zadku dŏwnyj zachodnij zajty ringu. Pokŏzała sie ôna... kloakŏwōm przikopōm ze XIII stoleciŏ!
🏰 Mŏcie durst cuć sie choby we strzedniowiecnym, gōrnoślōnskim mieście? Ôbznajōmić dziynne żywobycie strzedniowiycnych bytomian? Przewiedzieć sie co ôblykali na sie tamtyjsi miyszkańce? Ôbŏcyć tajymne ôbiekty wyrażōne spode miastowego brukflŏstra? Wpadejcie na wystŏwkã „Bytōmske puzzle. Archeologijŏ miasta”! Pyrsk!
Muzeum Górnośląskie w Bytomiu
