Po Ślonsku ło Gornym Ślonsku
Archiwalna publikacja z 2023-07-13.
Po Ślonsku ło Gornym Ślonsku
KRAUZA , DEKEL , GUMA i SZPANGA
To czi rzeczy bez kerych by niy było Komportu na zima . Jeszcze cza by było dodać taki konsek drzewa kery pod szpanga kery lepij dociskoł do dekla . Dzisiej już żodyn do takich krauzow niy zaprawio bo wiykszość jusz wcale niy robi komportow I woli pić pseudo zofty z papioriowych bojtli . Ale jeszcze niy tak downo to ło tym czasie ludzie na gwołt łobiyrali roztomajte łowoce : zaczynali lod wiepszkow , jagodkow , płonek , częśn, i ajerflaumow a kończyli na bani jusz pod jesiyń żeby potym asz do wiosny pić smaczne i zdrowe komporty kere były barzij nisz 1000 % ekologiczne nisz te dzisiejsze soki bez konserwantów. Dobrze jak mieli waszkuchnia to wszystko tam robili i łobiyrali lowoce potym je pakowali do krauzow a na koniec zawarzowali we kastrolach żeby chyciły i czimały na dicht asz nich niy łotworzi.
Dzisiej się jusz mogymy yno z tego chichrać ale ludkowie łosprowiali jak sam wlazły Rusy we 1945 roku to się łokropnie dziwowali tym krauzom w kerych pływały łowoce i niy wylywały sie i skuli tego nikery guptasie Ruskie szczylali abo czaskali te Germańskie cuda.
Bo chca yno pszipomnieć że do takich krauzow sie zaprawiało niy yno komporty ale i miynso , worzt zarozki po świniobiciu i najlrpszy byl lyjberwoszt jak się łotwarło po jakimś miesioncu No i bych zapomnioł lo łogorkach kere tysz się zaprawiało .
Z tego idzie wymedyktować że na wschodzie ludzie za bardzo niy znali zaprawianio jak u nos na Ślonsku i tego że idzie pić komport ze płonek choć jusz downo nich nima na stromiku . To wszystko co widać na foto mo jusz dobre 90 lot co widać po tym napisie na deklu kery godo som za sia . A teroz ida sie napić komportu z częśni i prosto z krauzy.
